Google I/O dagi revolyutsion SI yechimlar

Google har yili may oyida Google I/O konferensiyasida o'zining eng ilg'or innovatsiyalarini taqdim etadi. Bu yilgi konferensiya deyarli to'liq Sun'iy Idrok bo'yicha yechimlarga qaratildi. Konferensiyaning to'liq versiyasini mana bu yerdan ko'rib olishingiz mumkin: https://www.youtube.com/watch?v=o8NiE3XMPrM

Yangiliklarga to'xtaladigan bo'lsak:

1. Veo3
   Video generatsiya qilish uchun Veo3 taqdim qilindi. U ovozli videokliplarni matnli buyruqqa asosan tayyorlab berishi mumkin. Veo3 da tayyorlangan videolarni ko'rib, shuni SI tayyorlaganiga ishonmaysiz.
2. Veo2 Update
   Veo2 video generatsiya modeli ham yaxshilangan, videoga obyekt qo'shish yoki olib tashlash, videoni turli tarafga qarab kengaytirish imkoniyatlari qo'shilgan.
3. Flow
   Google ning eng katta yangiliklaridan biri bu film yaratuvchilar uchun murakkab sahnalarni rejalashtiruvchi, video ketma-ketligini yurituvchi Flow servisi bo'ldi. Flow servisi Veo, Imagen va Gemini larni ishlatgan holda kliplar va film yaratish imkonini beradi.
4. Imagen4
   Suratlarni generatsiya qiluvchi modelning yangi versiyasi taqdim qilindi. Asosiy yangilik - suratlar aniqroq va tiniqroq chiqadi, matnli rasmlar generatsiyasida xatolar kamaygan. 2K rejimida rasm generatsiya qilish mumkin (hozirgacha biror model bunaqa aniqlikda generatsiya bermas edi).
5. Lyria2
   Musiqa yaratuvchilar uchun onlayn musiqa va qo'shiq yaratuvchi Lyria servisi ham e'lon qilindi (hozirda waitlistga yozilish mumkin).
6. SynthID Detector
   Google ning SI yechimlaridan faydalanib yaratilgan kontent (matn, surat, video va audiolar) ni maxsus markirovkalash servisi bo'lgan SynthID endi aniqlagich xizmatini ishga tushirdi. Unga siz kontentni tashlasangiz, u Google SI si yordamida generatsiya qilinganmi yoki yo'qligini aniqlab beradi.
7. Google AI Ultra
   Google ko'plab media generation modellarni taklif qildi va ular juda katta hisoblash resurslarini ishlatadl. Bu serverlarga yuklamani oshiradi. Shu sababli ham Google $20 lik tarif yoniga $250 narxda AI Ultra tarifini joriy qildi, unda eng oxirgi media generatsiya modellarini ishlatish mumkin. Oyiga $250, mazzami?

Mana bu havoladan yangiliklar to'g'risida batafsil ma'lumot olishingiz mumkin: https://blog.google/technology/ai/generative-media-models-io-2025/